विश्वचषक क्लब फुटबॉल स्पर्धा जेद्दाहमध्ये

जेद्दाह : सौदी अरेबियातील जेद्दाह या शहराला 2023 साली होणाऱ्या क्लबस्तरीय विश्वचषक फुटबॉल स्पर्धेचे यजमानपद भूषविण्याची संधी फिफाने दिली आहे. गेल्या आठवड्यात फिफाच्या प्रतिनिधी मंडळाने जेद्दाह शहराला भेट दिली होती. त्यानंतर फिफाने या स्पर्धेच्या यजमानपदासाठी जेद्दाह शहराची निवड केली आहे. सदर स्पर्धा 12 ते 22 डिसेंबर दरम्यान खेळवली जाणार आहे. सौदी अरेबियामध्ये पहिल्यांदाच फिफाची ही मोठी स्पर्धा होत आहे. या क्लबस्तरीय विश्वचषक फुटबॉल स्पर्धेत सहभागी संघांची संख्या मर्यादित होती पण 2025 साली अमेरिकेत प्रथमच होणाऱ्या क्लबस्तरीय विश्वचषक फुटबॉल स्पर्धेत सहभागी संघांची संख्या 32 राहणार आहे.