जोयडा : कुंभारवाडा ग्रामपंचायत वर प्रथमच भाजपची सत्ता आली आहे. कुंभारवाडा ग्रा. पं. अध्यक्षपदी विजयालक्ष्मी शशांक डेरेकर व उपाध्यक्षपदी आकाश अनस्कर यांची निवड झाली आहे. निवडणूक अधिकारी म्हणून सार्वजनिक बांधकाम विभाग जोयडाचे साहाय्यक कार्यकारी अधिकारी विजयकुमार यांनी काम पाहिले. कुंभारवाडा ग्रामपंचायतवर एकूण 9 सदस्य आहेत. त्यातील पाच भाजपचे व चार काँग्रेसचे सदस्य आहेत. भाजपच्या सदस्यांनी अध्यक्ष व उपाध्यक्ष पदासाठी अर्ज भरले होते. त्यांच्याविरोधात काँग्रेसने नामपत्र दाखल न केल्याने भाजपच्या सदस्यांची अविरोध निवड करण्यात आली. पुंभारवाडा ग्रामपंचायत नूतन अध्यक्ष व उपाध्यक्षांनी छत्रपती शिवाजी महाराज यांच्या पुतळय़ाला हार घालून मानवंदना दिली. यावेळी अश्वारुढ शिवाजी महाराजांच्या पुतळय़ासमोर उभे राहून विजयोत्सव साजरा करण्यात आला.
