वृत्तसंस्था/बेंगळूर
यंदाच्या आयपीएल हंगामात रॉयल चॅलेंजर्स बेंगळूरचा घरच्या मैदानावर पहिला विजय मिळवण्याचा प्रयत्न त्यांच्या फलंदाजांवर अवलंबून राहणार असून ते आज शुक्रवारी येथे अत्यंत आत्मविश्वासाने भरलेल्या पंजाब किंग्सविऊद्धशी लढणार आहेत. यावेळी ऑफस्पिनर ग्लेन मॅक्सवेलच्या साथीने फिरकी मारा करणाऱ्या धूर्त युजवेंद्र चहलला ते कसे रोखतात यावर बरेच काही अवलंबून असेल. बेंगळूरच्या फलंदाजांनी आर. साई किशोर (2/22, गुजरात टायटन्स) तसेच कुलदीप यादव (2/17) आणि विप्रज निगम (2/18, दोन्ही दिल्ली कॅपिटल्स) यांच्याविऊद्ध येथे केलेला संघर्ष चहल व मॅक्सवेल यांनी पाहिलेला असेल. याशिवाय चहल आणि मॅक्सवेल यांनी रॉयल चॅलेंजसमध्ये अनेक वर्षे घालविलेली असल्याने येथील परिस्थितीशी ते चांगलेच परिचित असतील. गुजरात आणि दिल्लीविरुद्ध आरसीबीने प्रथम फलंदाजी केली आणि नंतर त्यांच्या फिरकीपटूंनी दव नसलेल्या वातावरणाचा पुरेपूर फायदा घेतला. यातून संघ व्यवस्थापनाला दिलासा मिळालेला असू शकतो.
पण कोलकाता नाईट रायडर्सविऊद्ध चार बळी घेऊन फॉर्ममध्ये परतलेला चहल आणि मॅक्सवेल येथील परिस्थितीचा फायदा उठवू शकतात. मात्र मॅक्सवेलला त्याचा फलंदाजीतील खराब फॉर्म विचारात घेता निवडले जाईल का हे पाहायला हवे. चहल जादूई चेंडूंऐवजी हुशारीनं ऑफ स्टंपच्या बाहेर चेंडू टाकण्यात माहिर आहे. त्यामुळे फलंदाजांना मोठे फटके मारण्यासाठी चेंडूपर्यंत पोहोचावे लागते, ज्यामुळे अनेकदा झेल घेण्याची संधी मिळते. मॅक्सवेल देखील चेंडू जास्त वळविण्यापेक्षा नियंत्रणावर अवलंबून असतो. ऑस्ट्रेलियन खेळाडूला उजव्या फलंदाजांविऊद्ध काही प्रमाणात यश मिळाले आहे आणि पंजाबसाठी ते आज उपयुक्त ठरू शकते. कारण आरसीबीकडे अनेक उजवे फलंदाज आहेत.
आरसीबीकडेही कृणाल पंड्या आणि सुयश शर्मा असे फिरकीपटू आहेत. पंजाब संघाकडे अर्शदीप सिंग आणि मार्को जेनसेनसारखे सक्षम वेगवान गोलंदाज आहेत, पण ते आरसीबीच्या जोश हेझलवूड आणि भुवनेश्वर कुमारइतके भेदक नाहीत. दोन्ही कर्णधारांचा विचार करता रजत पाटीदार आणि श्रेयस अय्यरमध्ये फारसे साम्य नाही. अय्यरने यापूर्वी कर्णधार म्हणून आपली क्षमता सिद्ध केलेली आहे व या स्पर्धेत फलंदाज म्हणून उत्कृष्ट कामगिरी केलेली आहे. दुसरीकडे, पाटीदार आयपीएलमध्ये पहिल्यांदाच कर्णधार बनला आहे. असे असले, तरी निकालांची पर्वा न करता आपापल्या संघाला दोघांनीही शांतपणे मार्गदर्शन केलेले आहे.
विराट कोहली आणि हेझलवूडसारख्या सुपरस्टार्सनी भरलेल्या संघाचे नेतृत्व पाटीदारने अधिकारवाणीने केलेले आहे. जर एम. चिन्नास्वामी स्टेडियमवरील खेळपट्टीने संथ गोलंदाजीला साथ दिली, तर फिरकीचा एक उत्कृष्ट खेळाडू असलेल्या पाटीदारला चहल आणि मॅक्सवेलच्या दुहेरी धोक्याला नामोहरम करण्याचे काम स्वत: करावे लागेल. अय्यर हा देखील फिरकीच्या सर्वोत्तम खेळाडूंपैकी एक आहे, जो आरसीबीच्या कृणाल आणि सुयशला तोंड देण्याच्या दृष्टीने पंजाबच्या संघातील सर्वोत्तम पर्याय आहे. अलीकडेच झालेल्या कमी धावसंख्येच्या थ्रिलर सामन्यात केकेआरवर 16 धावांनी विजय मिळवल्यानंतर एक संघ म्हणून पंजाबचा आत्मविश्वास उंचावला असेल. परंतु आरसीबील् हाही एक खडतर प्रतिस्पर्धी आहे याची त्यांना चांगलीच जाणीव असेल.
रॉयल चॅलेंजर्स बेंगळूर : रजत पाटीदार (कर्णधार), विराट कोहली, यश दयाल, जोश हेझलवूड, फिल सॉल्ट, जितेश शर्मा, लियाम लिव्हिंगस्टोन, रसिक सलाम, सुयश शर्मा, कृणाल पंड्या, भुवनेश्वर कुमार, स्वप्नील सिंग, टीम डेव्हिड, रोमॅरियो शेफर्ड, नुवान तुषारा, मनोज भंडागे, जेकब बेथेल, देवदत्त पडिक्कल, स्वस्तिक चिकारा, लुंगी एनगिडी, अभिनंदन सिंग, मोहित राठी.
पंजाब किंग्स : श्रेयस अय्यर (कर्णधार), प्रियांश आर्य, प्रभसिमरन सिंग, नेहल वढेरा, शशांक सिंग, ग्लेन मॅक्सवेल, मार्कस स्टॉइनिस, मार्को जेनसेन, युजवेंद्र चहल, अर्शदीप सिंग, यश ठाकूर, सूर्यांश शेडगे, प्रवीण दुबे, विजयकुमार वैशाख, हरप्रीत ब्रार, अजमतुल्ला ओमरझाई, जोश इंग्लिस, झेवियर बार्टलेट, विष्णू विनोद, एरोन हार्डी, कुलदीप सेन, हरनूर सिंग, मुशीर खान, पायला अविनाश.
सामन्याची वेळ : संध्याकाळी 7.30 वा.
