बेळगाव : पवार गल्ली, बसवाण गल्ली, भारतनगर,शहापूर या भागातील लोंबकळणाऱ्या वीजवाहिन्या गणेशोत्सव मंडळांसाठी धोक्याच्या ठरत होत्या. या मंडळांच्या मागणीनुसार हेस्कॉमकडून वीजवाहिन्यांची उंची वाढवून जुने धोकादायक वीजखांब हटविण्यात आले. नगरसेवक रवी साळुंखे यांच्या प्रयत्नातून हे काम करण्यात आले. गणेशोत्सव मंडप घालताना वीजवाहिन्यांचा अडसर येत होता. त्यामुळे तेथील मंडळांनी नगरसेवक रवी साळुंखे यांच्याशी संपर्क साधून वीजवाहिन्या हटविण्याची मागणी केली होती. नगरसेवक साळुंखे यांनी हेस्कॉमच्या अधिकाऱ्यांना याची माहिती देऊन वीजवाहिन्यांची दुरुस्ती करण्याची मागणी केली. शुक्रवारी सकाळपासून शहापूर परिसरातील जुने वीजखांब हटविण्यात आले. सेक्शन ऑफिसर गलगली यांनी वेळेत काम पूर्ण केल्याबद्दल मंडळांच्यावतीने त्यांचे आभार मानण्यात आले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
