2014 मध्ये प्रदर्शित रकुल प्रीत सिंह आणि हिमांश कोहली यांच्या ‘यारियां’ला चाहत्यांची मोठी पसंती मिळाली होती. दिव्या खोसला कुमार यांच्या दिग्दर्शनात तयार या चित्रपटाने बॉक्स ऑफिसवर मोठे यश मिळविले हेते. आता निर्माते ‘यारियां 2’ चित्रपट घेऊन येत आहेत. या चित्रपटात जावेद जाफरीचा पुत्र मीजान अन् टीव्ही हार्टथ्रोब पर्ल व्ही पुली दिसून येणार आहे. निर्मात्यांनी या चित्रपटाचे पहिले पोस्टर सादर केले आहे. यारियां 2 चित्रपटात चाहत्यांना अत्यंत नवी जोडी दिसून येणार आहे. या पोस्टरमध्ये दिव्या खोसला कुमार वधूच्या वेशात दिसून येत आहे. तिचा एक हात मीजानच्या खांद्यावर तर दुसरा हात पर्ल व्ही पुरीच्या खांद्यावर दिसून येत आहे. ‘कजिन बॉय ब्लड, फ्रेंड बाय चॉइस, मैत्री अन् भावनांच्या रोलर कोस्टर राइडची एक झलक तुमच्या समोर आहे’ असे निर्मात्यांनी पोस्टरच्या कॅप्शनदाखल नमूद केले आहे. यारियां 2 चित्रपटाचा ट्रेलर लवकरच प्रदर्शित होणार आहे. चित्रपटाचे दिग्दर्शन राधिका राव आणि विनय सप्रू यांनी केले आहे. मिजान, पर्ल व्ही पुरी आणि दिव्या खोसला कुमार सोबत चित्रपटात यश दासगुप्ता, अनस्वरां रंजन, वरीना हुसैन आणि प्रिया वारियर हे कलाकार दिसून येणार आहेत. हा चित्रपट 20 ऑक्टोबरला चित्रपटगृहांमध्ये प्रदर्शित होणार आहे.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Related Posts
