खासदार जगदीश शेट्टर : मोफत हॉकी प्रशिक्षण शिबिराचा समारोप
बेळगाव : बेळगाव हे हॉकीचे एक प्रमुख केंद्र असून येथून देशाला तीन ऑलिंपिकपटू दिले आहेत. यामुळेच बेळगाव शहराला अॅस्ट्रोटर्फ मैदानाची नितांत गरज आहे व मी ती खेळ मंत्रालयाकडून पूर्णत्वास नेईन, असे आश्वासन खासदार व माजी मुख्यमंत्री जगदीश शेट्टर यांनी दिले. हॉकी बेळगाव आयोजित मोफत हॉकी प्रशिक्षण शिबिराचा समारोप समारंभात खासदार जगदीश शेट्टर प्रमुख पाहुणे या नात्याने बोलत होते. शनिवारी सायंकाळी लायन्स क्लब ऑफ टिळकवाडीच्या लायन्स भवन येथे संपन्न झाला. व्यासपीठावर खासदार जगदीश शेट्टर, जय भारत फाउंडेशनचे सचिव नंदकुमार तलरेजा, अध्यक्ष गुळाप्पा होसमनी, उपाध्यक्ष विनोद पाटील हे होते. प्रारंभी प्रकाश कालकुंद्रीकर यांनी हॉकी बेळगावची माहिती देऊन पाहुण्यांचे स्वागत केले.
जय भारत फाउंडेशनचे सचिव नंदकुमार तलरेजा बोलताना म्हणाले की, हॉकी हा खेळ शारीरिकदृष्ट्या व मानसिकदृष्ट्या अत्यंत महत्त्वाचा असून हॉकी बेळगावने मोफत प्रशिक्षण ठेवून विद्यार्थ्यांना मार्गदर्शन केले. याबद्दल आम्ही आभारी आहोत. तसेच हॉकी बेळगाव संस्थेला आपण भरीव मदत करू, असे आश्वासन दिले. प्रारंभी श्रमिका रमाकांत कारेकर हिच्या भरतनाट्यामने कार्यक्रमास सुरुवात झाली. सचिव सुधाकर चाळके यांनी प्रशिक्षण शिबिराची माहिती दिली. यावेळी डॉ. अनुपकुमार जांबोटी, मिस्टर इंडिया सुनील आपटेकर, रेवती समर्थ कारेकर, धनश्री उत्तम शिंदे यांचा शाल व स्मृतिचिन्ह देऊन सत्कार करण्यात आला. सत्काराला उत्तर देताना मि. इंडिया व अर्जुन पुरस्कार विजेते सुनील आपटेकर यांनी मार्गदर्शन केले.
शिबिरात सहभागी 170 खेळाडू मुला मुलींना प्रमुख पाहुण्यांच्या हस्ते प्रमाणपत्र व स्मृती चिन्ह वितरीत करण्यात आले. प्रशिक्षणार्थी विद्यार्थ्यातर्फे दिशा राणे हिने प्रशिक्षक व हॉकी बेळगाव संघटनेचे आभार मानले. यावेळी उत्तम शिंदे, सुरेश पोटे, दत्तात्रय जाधव, संजय शिंदे, मनोहर पाटील, गणपत गावडे, अनिल राणे, प्रकाश बिळगोजी, नामदेव सावंत, श्रीकांत आजगावकर, अश्विनी बस्तवाडकर, आशा होसमनी, सविता वेसणे, निखिल शिंदे, दयानंद कारेकर, समर्थ कारेकर, एस. एस. नरगोदी, शिवाजी जाधव, साकीब बेपारी, प्रशिक्षणार्थी व पालक आदी उपस्थित होते.
