नाट्याप्रेमी रसिकांचा उदंड प्रतिसाद मिळण्याची अपेक्षा
बेळगाव : कॅपिटल वन संस्थेतर्फे 12 व्या वषी भव्य एकांकिका स्पर्धा 3 व 4 फेब्रुवारी रोजी घेण्यात येणार आहेत. कर्नाटक, महाराष्ट्र, गोवा या राज्यांमधून आभासी तत्त्वावर निवड झालेल्या संघांचा समावेश स्पर्धेमध्ये होणार असून स्थानिक कलाकारांच्या कलागुणांना प्रोत्साहन देण्यासाठी बेळगाव जिल्हा मर्यादित शालेय गटामध्येही स्पर्धा भरविण्यात येणार आहेत. चोखंदळ नाट्यारसिकांना दर्जेदार एकांकिकांची मालिका पाहता यावी यासाठी गेल्या वषीपासून आभासी तत्त्वावर निवड केली जात आहे, अशी माहिती संस्थेचे चेअरमन शिवाजीराव हंडे यांनी पत्रकाद्वारे दिली. नीटनेटकेपणा, नियोजनबद्ध व्यवस्था व वेळेच्या काटेकोर नियोजनबरोबरच अनुभवी परीक्षक व निकालाबद्दलची पारदर्शकता, यामुळे स्पर्धेने नाट्या क्षेत्रात आपले स्थान निर्माण केले आहे. विविध राज्यांतून कलाकारांनी सादर केलेल्या नाट्याविष्कारामुळे आंतरराज्य स्तरावर सांस्कृतिक देवाण-घेवाणीस वाव मिळत आहे. यामुळेच नवनवीन कलाकार, लेखक, दिग्दर्शक निर्माण होण्याचा संस्थेचा हेतू सफल होत आहे. शालेय गटातील स्पर्धेमर्ध्ये अनेक स्थानिक शाळांनी सहभाग नोंदविला आहे. बेळगाव शहर व परिसरातील नाट्याप्रेमी रसिकांना सदर स्पर्धेच्या माध्यमातून नाट्या चळवळ जपता येणार असून नाट्याप्रेमी रसिक या स्पर्धेला उदंड प्रतिसाद देतील, अशी अपेक्षा आहे.
अ. भा. लेखन स्पर्धा संपन्न
अखिल भारतीय स्तरावर मराठी एकांकिका लेखन स्पर्धा यंदाही संस्थेने आयोजित केली. सदर स्पर्धेचा निकाल लवकरच जाहीर करण्यात येईल. सातत्याने भासत असलेल्या संहितांचा तुटवडा व अभाव यासाठी अखिल भारतीय स्तरावर सदर लेखन स्पर्धेचे आयोजन करण्यात येते. सलग पाचव्या वषी देशभरातून स्पर्धेला उत्तम प्रतिसाद मिळाला.
प्रवेश सर्वांना खुला
सर्वच प्रेक्षकांना सदर स्पर्धा विनामूल्य खुली ठेवण्यात आली असून केवळ शिस्तबद्ध आसन व्यवस्थेसाठी प्रेक्षकांनी एकांकिका सुरू असताना नाट्यागृहात प्रवेश करू नये, असे आवाहन संस्थेतर्फे केले आहे. स्पर्धेच्या आयोजनासाठी प्रा. डॉ. संध्या देशपांडे, प्रा. अऊणा नाईक, सुभाष सुंठणकर यांच्यासह सोसायटीचे चेअरमन शिवाजी हंडे, व्हा. चेअरमन शाम सुतार व संचालक रामकुमार जोशी, सदानंद पाटील, शिवाजी अतिवाडकर, शरद पाटील, संजय चौगुले, लक्ष्मीकांत जाधव, नंदा कांबळे यांचे सहकार्य लाभत आहे.
