क्रीडा प्रतिनिधी /बेळगाव
खेलो इंडिया ज्युडो स्पर्धेसाठी खानापूर तालुक्यातील गर्लगुंजी गावची खेळाडू ज्युनियर रोहिणी पाटील हिची निवड झाली आहे. कानपूर येथे झालेल्या आंतरविद्यापीठ ज्युडो स्पर्धेत ज्यु. रोहिणी पाटील हिने उत्तम कामगिरी करून निवड समितीचे लक्ष वेधून घेतले होते. तिच्या कामगिरीची दखल घेऊन बेंगळूर येथे होणाऱया खेलो इंडिया ज्युडो स्पर्धेसाठी तिची निवड करण्यात आली आहे. ती लिंगराज महाविद्यालयात शिकत असून तिने अनेक राष्ट्रीय व राज्यस्तरीय ज्युडो स्पर्धेत रौप्य व कांस्य पदके पटकाविली आहेत. त्याचप्रमाणे राज्यस्तरीय स्पर्धेत 12 सुवर्णपदकांची कमाईदेखील केली आहे. तिला प्रशिक्षक जितेंद्रसिंग, त्रिवेणीसिंग, बेळगावच्या प्रशिक्षिका कुतुजा, रोहिणी पाटील यांचे मार्गदर्शन मिळत आहे तर क्रीडा प्राध्यापक रामराव तसेच आई मलप्रभा व वडील पुंडलिक यांचे प्रोत्साहन लाभत आहे.
