छातीत कळा आल्याने सिव्हिल हॉस्पिटलमध्ये दाखल
प्रतिनिधी/ बेळगाव
गोव्यात झालेल्या एका चोरी प्रकरणाच्या तपासासाठी पणजी पोलिसांनी हुबळी येथील एका युवकाला ताब्यात घेतले आहे. हुबळीहून त्याला गोव्याला नेताना वाटेत त्याच्या छातीत कळा आल्याने त्याला सिव्हिल हॉस्पिटलमध्ये दाखल करण्यात आले.
महेशकुमार बनद (वय 40 रा. हुबळी) असे त्याचे नाव आहे. महेशकुमारला ताब्यात घेण्यासाठी पणजी पोलिसांचे एक पथक रविवारी हुबळीला गेले होते. त्याला ताब्यात घेऊन गोव्याला नेताना त्याने आपल्या छातीत दुखू लागल्याचे पथकातील पोलिसांना सांगितले.
रविवारी सायंकाळी महेशकुमारसह पणजी पोलिसांचे पथक बेळगावात पोहोचले. पथकातील अधिकाऱयांनी त्याच्या आरोग्याचा विचार करून सुरुवातीला खासगी इस्पितळात नेले. त्यानंतर सायंकाळी सिव्हिल हॉस्पिटलला दाखल करण्यात आले आहे. पणजी पोलीसही त्याच्यासोबत इस्पितळात होते.
