नवी दिल्ली
आदित्य बिर्ला ग्रुपची कंपनी हिंडाल्को इंडस्ट्रिज येणाऱया काळात 8 हजार ते 10 हजार कोटी रुपयांची गुंतवणूक करणार असल्याचे समजते. सदरची गुंतवणूक ही हिराकुड (ओडीसा), सिल्वासा (दाद्रा व नगर हवेली) आणि मुंद्रा (गुजरात)येथील कंपनीच्या कारखान्यामध्ये केली जाणार आहे. ऍल्युमिनीयमच्या सुधारीत उत्पादनांच्या निर्मितीसोबतच एकंदर निर्मितीत वाढ करण्यासाठी कंपनी येणाऱया काळात लक्ष देणार आहे. हिराकुडमधील कारखान्यात वार्षिक 3 लाख 40 हजार टन उत्पादन करण्याचा संकल्प कंपनीने केला आहे.
