तरुण भारत संवाद प्रतिनिधी/सोलापूर
सावकारी पाषाला कंटाळून पंढरपूर तालुक्यातील उंबरेपागे येथील एक शेतकरी इब्राहिम याकूब मुलाणी हे जिल्हाधिकारी कार्यालासमोरील टॉवरवर चढून आंदोलन करीत होते. महसूल कर्मचारी इब्राहिम यांना खाली उतरण्यासाठी गेले असता प्रहार संघटनेच्या कार्यकर्त्यांची बाचाबाची झाली आणि शिविगाळ करीत प्रहारच्या कार्यकर्त्यानी त्या महसूल कर्मचाऱ्यास बेदम मारहाण केली. यावेळी जिल्हाधिकारी कार्यालय परिसरात तणावपूर्ण वातावरण होते. बघण्याची गर्दी झाली. त्यानंतर त्या कर्मचाऱ्यास महसूल कर्मचाऱ्यांनी जिल्हाधिकारी कार्यालयात घेऊन गेले. या घटनेची माहिती मिळताच पोलीस घटनास्थळी दाखल झाले.
