प्रतिनिधी / सोलापूर
सोलापूर जिल्ह्यातील ग्रामीण भागात गुरूवारी 147 कोरोनाबाधित पॉझिटिव्ह रुग्णांची भर पडली आहे. यामध्ये 88 पुरुष, 59 स्त्रियांचा समावेश आहे. आज 2 तर आतापर्यंत 98 जणांचा मृत्यू झाला आहे. जिल्ह्यातील ग्रामीण भागात एकूण 3459 कोरोबधित रुग्ण झाले आहेत. उर्वरित 1404 रुग्णांवर उपचार सुरू आहेत अशी माहिती जिल्हा आरोग्य अधिकारी डॉ.बी.टी जमादार यांनी गुरूवारी दिली.
जिल्हा आरोग्य विभागाच्या वतीने आज कोरोना बाधितांचा अहवाल दिला आहे. आज 758 जणांचे अहवाल प्राप्त झाले होते. त्यातील 611 अहवाल निगेटिव्ह आले आहेत तर 147 पॉझिटिव्ह आढळल्या आहे .3459 रुग्णांपैकी 2103 पुरुष 1356 स्त्री आहेत. तालुक्यात आतापर्यंत 98 जणांचा मृत्यू झाला आहे. एकूण 1957 जण बरे होऊन घरी गेली आहेत.
