सोलापूर : प्रतिनिधी
तंबाखू व तंबाखूजन्य पदार्थांचे सेवन करुनसार्वजनिक ठिकाणी धुम्रपान केल्यास कोरोनाचा धोका होऊ शकतो. त्यामूळे तंबाखु व तंबाखुजन्य धुम्रपानाचे पदार्थ विक्रीस मनपा आयुक्त पी. शिवशंकर यांनी नियम-अटींसह परवानगी दिली आहे. यासंबंधीचे आदेश त्यांनी मंगळवारी जारी केले.
आदेशात म्हटले आहे की, महानगरपालिका क्षेत्रात तंबाखु व तंबाखुजन्य इत्यादी धुम्रपानाचे पदार्थ विक्री करणारे सक्षम प्राधिकरणाचे परवाना प्राप्त दुकाने, पानटप-या इत्यादींना नियम, अटी व शर्थीच्या अधीन राहून सकाळी 9 ते सायंकाळी 7 वाजेपर्यंत चालू ठेवण्यास परवानगी आहे. दुकानदार व ग्राहकांनी चेह-यावर मास्क, रुमाल वापरणे बंधनकारक आहे. याठिकाणी येणा-या ग्राहकांमध्ये किमान सहा फूट अंतर असावे. दुकाना व टपरी समोर गर्दी होणार नाही याची जबाबदारी संबंधीत दुकानधारक यांची राहिल. सार्वजनिक ठिकाणी धुंकण्यास बंदी असून पान टपरी, दुकानाच्या ठिकाणी ग्राहकांनी धुम्रपान केल्यास, थुंकल्यास संबंधीत दुकानदारावर सक्षम प्राधिका-यामार्फत दंडात्मक व कायदेशीर कारवाई केली जाईल.
“पान टपरी, दुकानांच्या ठिकाणी, सार्वजनिक ठिकाणी धुम्रपान केल्यास कायद्यान्वये गुन्हा आहे” अशा आशयाचा फलक लावणे बंधनकारक आहे.
