सातार्डा/वार्ताहर-
सातोसे-रेल्वे फाटकाच्या मागील बाजूस अकरा फूट लांबीच्या मगरीने ठाण मांडले. त्यामुळे या पारि सरात राहणाऱया ग्रामस्थामध्ये तारांबळ उडाली. हा प्रकार सोमवारी सायंकाळी घडला. या घटनेची माहिती सातोसे सरपंच बबन सातोसकर यानी वनविभागाला दिली. तात्काळ वनक्षेत्रपाल मदन क्षिरसागर, वनपाल चंद्रसेन धुरी, वनरक्षक आप्पासो राठोड, वनमजूर बबन रेडकर, चंद्रकांत पडते यानी धाव घेत ग्रामस्थाच्या मदतीने मगरीला जेरबंद केले. मगरीला पाहण्यासाठी ग्रामस्थानी एकच गर्दी केली. हि मगर तेरेखोल नदीतून रेल्वे फाटकाजवळ आली असावी, अशी शक्यता वनविभागाने व्यक्त केली. त्यानंतर मगरीला नैसर्गिक अधिवासात (तेरेखोल नदीत)सोडण्यात आले. मगरीला जेरबंद करण्यासाठी वनविभागाला सरपंच सातोसकर, माजी सरपंच वसंत धुरी, ग्रा.पं.सदस्य नीलेश साळगावकर, संदीप बर्डे काशिनाथ पेडणेकर, सदानंद पायनाईक, रुपेश साळगावकर, भिसाजी पेडणेकर, नाना सातोसकर आदाRनी सहकार्य केले.
