वारणानगर / प्रतिनिधी
सातवे ता. पन्हाळा येथील सातवे – सावर्डे रस्त्या कडेला असणाऱ्या शिवचा ओढा या शेतात ऊसाचा पाला पेटवत असताना ऊसाच्या खोडव्यामध्ये पाय अडकून जाळात पडलेल्या सखाराम कृष्णात मरगाळे वय ८० यांचा उपचारादरम्यान मृत्यू झाला.
आज दुपारी एकच्या सुमारास ही घटना घडली यामध्ये मरगाळे हे नव्वद टक्के भाजल्याने त्यांना उपचारासाठी सी.पी.आर. हॉस्पीटलमध्ये दाखल केले होते. काही तासात उपचारा दरम्यान त्यांचा मृत्यू झाला.
मरगाळे हे जाळात पडल्यावर रस्त्याने खेळायला जाणाऱ्या मुलांनी जिवाची तमा न बाळगता त्यांना त्यातून बाहेर काढून उपचारासाठी तातडीने पाठवले तसेच आग विझवली मुलांच्या या साहसा बद्दल सर्वत्र कौतुक होत आहे.
