प्रतिनिधी / सांगली
सोमवारी जिल्ह्यात कोरूना चे नवीन दहा रुग्ण आढळून आले आहेत. त्यामुळे एकूण रुग्ण संख्या 368 झाली आहे. सोमवारी एक ही रुग्ण कोरोनामुक्त झाला नाही. उपचारातील रुग्ण संख्या 130 वर गेली आहे, उपचारातील तीन रुग्णांची प्रकृती अद्यापीही चिंताजनक आहे.
जत तालुक्यातील बिळूर हे गाव कोरोना चे नवीन हॉटस्पॉट झाले आहे. या गावात सोमवारी सहा नवीन रुग्ण आढळून आले.
यामध्ये एक महिला आणि पाच पुरुषांचा समावेश आहे तर शिराळा शहरात कोरोना ने शिरकाव केला आहे. या ठिकाणी एक महिला आणि सात वर्षाचे बालक पॉझिटिव आढळून आले आहे. कवठेमहांकाळ तालुक्यातील शिंदेवाडी येथे एका युवतीचा अहवाल पॉझिटिव्ह आढळून आला, तर सांगली शहरातील सम्राट व्यायाम मंडळ जवळील एक व्यक्ती बाधित आढळून आली आहे.
