प्रतिनिधी / तासगाव
भिलवडी मार्गावर एका अज्ञात व्यक्तिचा खून करण्यात आला असल्याचे स्पष्ट झाले आहे.तासगाव हद्दीत चेतना पेट्रोल पंप नजीक सुभाष लुगडे यांची शेतजमीन आहे. याच शेतात नव्याने एक विहीर पाडण्यात आली आहे.
या विहिरीत काळ्या. प्लास्टिक कागदात गुंडाळेला एक मृतदेह तरंगताना शेतमालकांना दिसला,त्यांनी तासगाव पोलीस स्टेशनला कळवले,त्या नंतर. सांगली येथील स्पेशल रेस्क्यू फोर्सच्या मदतीने हा मृतदेह विहिरीतून वर काढण्यात आला त्यावेळी खून करून मृतदेह प्लास्टिक कागदात लपेटून विहिरीत टाकण्यात आला असल्याचे दिसून आले आहे. घटनेचे वृत्त समजताच तासगाव पोलिसांनी तातडीने धाव घेतली.
