अचूक बातमी “तरुण भारत”ची, मंगळवार 26 ऑक्टोबर 2021, स. 11.00
● मोठा दिलासा : फक्त 33 बाधित
● बाधित वाढ 50 च्या खाली
● पॉझिटिव्हिटी दर दोन टक्केच्या खाली
● सोमवारी रात्री अहवालात 33 बाधित
● 2 हजार 508 जणांची तपासणी
● पॉझिटिव्हिटी दर 1.32 टक्के
● एकूण सक्रीय रुग्ण 708
सातारा / प्रतिनिधी :
जिल्ह्यात गेल्या तीन-चार दिवसापासून बाधित वाढीचा आलेख 50 च्या खाली घसरल्याचा मोठा दिलासा जिल्हावासीयांना लाभत आहे. रविवारी अहवालात 33 आणि सोमवारी अहवालात देखील 33 असे सलग दोन दिवस नीचांकी बाधित वाढ समोर आली असून ऑक्टोबर महिन्याच्या अखेरीस गेली आठ-दहा महिने कोरोनाच्या कहराशी झुंजत असलेला सातारा जिल्हा पुढील काही दिवसात कोरोना मुक्त होईल, अशा अशा पल्लवित झालेल्या आहेत.
पॉझिटिव्हिटी दर 1.32 टक्के
जिल्ह्यात सलग 16 दिवशीही बाधित वाढीचा आलेख शंभरच्या खाली राहिला. तर रविवारी व सोमवारी रात्रीच्या अहवालाने जिल्ह्याला मोठा दिलासा दिला असून तब्बल नऊ ते दहा महिन्यानंतर फक्त 33 बाधित एवढी नीचांकी वाढ समोर आली. पॉझिटिव्हिटी दराचा आलेखही दिलासादायक खाली घसरलेला आहे. गेले काही दिवस दोन टक्केवर स्थिर असलेला पॉझिटिव्हिटी दर रविवारी रात्री अहवालात 1.4 टक्के एवढा होता तर सोमवारच्या अहवालात 1.32 टक्के एवढा खाली राहिलेला आहे.
सोमवारी रात्री अहवालात 33 बाधित
प्रशासनाकडून मंगळवारी सकाळी देण्यात आलेल्या सोमवारी रात्रीच्या अहवालातील माहितीनुसार 33 जणांचा अहवाल बाधित आलेला आहे. एकूण 2 हजार 508 जणांची तपासणी करण्यात आल्याची माहिती देण्यात आलेली आहे. गत नऊ ते दहा महिन्यातील ही नीचांकी वाढ असून सलग दुसऱ्या दिवशी बाधित वाढ कमी झाली आहे.
जिल्ह्यात कोरोना स्थिती आटोक्यात
ऑक्टोबर महिन्याच्या अखेरीस जिल्ह्यातील कोरणा संसर्ग स्थिती आटोक्यात आली असून या मध्येच दीपावली साजरी करण्यासाठी नागरिकांचे मोठ्या प्रमाणावर लगबग सुरू आहे सातारा तालुक्यातील अल्प दोन अंकी वाढ सोडल्यास इतर तालुके एक अंकी संख्येवर आले असून पाटण, जावली, महाबळेश्वर तालुके कोरोना मुक्तीच्या मार्गावर आहेत. वेगाने सुरु असलेले लसीकरण व दुसरीकडे मंदावत असलेली बाधित वाढ, काही तालुक्यात शून्यावर आलेली बाधित वाढ या सर्व बाबी आणि तिसऱ्या लाटेची शक्यता मावळली ही स्थिती दीपावलीचा आनंद द्विगुणीत करू लागली आहे.
लसीकरणाची गती थोडी मंदावली
जिल्ह्यात गत महिन्यात विक्रमी संख्येने लसीकरणाच्या नोंदी झाल्या त्यानंतर ऑक्टोबर महिन्यात दैनंदिन आठ ते दहा हजार अशा संख्येने लसीकरण सुरू आहे काही वेळा हा वेग मंदावत असल्याने गती थोडी कमी झाली असली तरी जिल्हय़ात लस घेणाऱ्या नागरिकांची एकूण संख्या 27 लाख 81 हजार 169 एवढी दिलासादायक झालेली असून यामध्ये पहिला डोस घेतलेल्या नागरिकांची संख्या 19 लाख 46 हजार 947 एवढी असून दुसरा डोस घेतलेल्या नागरिकांची संख्या 8 लाख 34 हजार 222 एवढी झालेली आहे.
रविवारपर्यंत जिल्हय़ात
एकूण नमुने 22,08,196
एकूण बाधित 2,50,876
कोरोनामुक्त 2,42,981
एकूण मृत्यू 6,412
सक्रीय रुग्ण 714
रविवारी जिल्हय़ात
बाधित 56
कोरोनामुक्त 13
मृत्यू 01
