सिंधुदुर्गनगरी / प्रतिनिधी-
जिल्हा पुरवठा विभागाचे नायब तहसिलदार संजय गवस आणि सहायक पुरवठा अधिकारी दीप्ती धालवलकर यांना महसूल विभागातील उत्कृष्ठ कामगिरी बद्दल जिल्हाधिकारी के मंजुलक्ष्मी यांच्या हस्ते सत्कार करण्यात आला. महसूल दिनाच्या निमित्ताने जिल्हाधिकारी कार्यालयात कार्यक्रम आयोजित करण्यात आला होता संजय गवस व दीप्ती धालवलकर गेली अनेक वर्षे महसूल विभागात विविध पदावर प्रामाणिक काम करत आहेत. त्याच्या कामाची दखल घेत उत्कृष्ठ नायब तहसिलदार व उत्कृष्ठ सहायक पुरवठा अधिकारी म्हणून प्रमाणापत्र ,सन्मानचिन्ह देऊन जिल्हाधिकाऱ्याच्या हस्ते सत्कार करण्यात आला. यावेळी अप्पर जिल्हाधिकारी मंगेश जोशी,निवासी उपजिल्हाधिकारी शुभांगी साठे,उपजिल्हाधिकारी रोहिणी रजपूत उपस्थित होते.
