शेळय़ा-मेंढय़ांसाठी लसीकरण मोहीम हाती

पशुसंगोपन खात्यामार्फत मोहीम : संबंधितांना लाभ घेण्याचे आवाहन : कोरोना सुरक्षा नियमांचे पालन करून मोहीम

प्रतिनिधी / बेळगाव

पावसाळय़ात ओल्या चाऱयातून शेळय़ा-मेंढय़ांना विविध प्रकारच्या रोगांची लागण होत असते. वेळेत उपचार व लसीकरण न झाल्यास शेळय़ा-मेंढय़ा दगावण्याचे प्रमाण अधिक असते. या पार्श्वभूमीवर पशुसंगोपन खात्यामार्फत दरवर्षी दोन टप्प्यात लसीकरण मोहीम राबविली जाते. मात्र, यंदा कोरोनामुळे लसीकरण मोहिमेत अडचणी निर्माण झाल्या होत्या. मात्र, आता पशुसंगोपन खात्यामार्फत कोरोना नियमांचे पालन करून शेळय़ा-मेंढय़ांना रोग प्रतिबंधक लसीकरण मोहीम राबविण्यात आली आहे. जिल्हय़ातील शेळय़ा-मेंढय़ा पालकांनी याचा लाभ घ्यावा, असे आवाहन खात्याने केले आहे.

बेळगाव जिल्हय़ात शेळय़ा-मेंढय़ांची संख्या अधिक आहे. मात्र, कोरोनामुळे मागील दोन वर्षापासून लसीकरण मोहिमेत अडचणी निर्माण होत आहेत. मागील वषीदेखील जिल्हय़ात कोरोना नियमांचे पालन करून लसीकरण मोहीम राबविली होती. यंदा देखील शेळय़ा-मेंढय़ांसाठी लसीकरण मोहीम हाती घेण्यात आली आहे. अवकाळी पावसानंतर किंवा पावसाळय़ाच्या सुरुवातीला शेळय़ा-मेंढय़ांना साथीच्या व इतर रोगांची लागण होते. या साथीच्या रोगांपासून बचाव करण्यासाठी दरवषी ही मोहीम राबविली जाते. शेळीपालन करणाऱयांनी वेळेत प्रतिबंधक लसीकरण करून सहकार्य करावे, असे आवाहन खात्याने केले आहे.

खाद्यातील बदल व वेगवेगळय़ा ऋतूत शेळय़ा-मेंढय़ांना साथीच्या रोगांची लागण होत असते. या पार्श्वभूमीवर खात्यामार्फत पावसाळय़ाच्या तोंडावर लसीकरण मोहीम राबवून शेळय़ा-मेंढय़ांना रोगापासून दूर ठेवले जाते. मात्र, मागील वर्षापासून या मोहिमेत कोरोनाचा अडसर आला असला तरी खात्याने खबरदारी घेऊन लसीकरणाला प्रारंभ केला आहे.

जिल्हय़ातील शेळय़ा-मेढय़ा व डुकरांची तालुकानिहाय संख्या