शिरोळ येथे ट्रॅक्टर वरून पडून सात वर्षाच्या मुलाचा मृत्यू

प्रतिनिधी / शिरोळ

येथील शिरटी र्रोड वरील जगदाळे च्या वीटभट्टीवर काम करणारे प्रकाश दोडमनी मुळगाव सालबडी विजापूर कर्नाटक यांचा मुलगा वसंत वय वर्ष सात हा ट्रॅक्टर वरून पडल्याने गंभीर जखमी झाला होता. त्यास उपचाराकरता सांगलीच्या शासकीय रुग्णालयात दाखल केले असता उपचार सुरू असतानाच त्याचा मृत्यू झाला. याबाबत शिरूर पोलिसांकडून मिळालेली माहिती अशी की 25 एप्रिल रोजी जगदाळे वीटभट्टीवर प्रकाश दोडमनी हे ट्रॅक्टरवरुन आपल्या मुलगा वसंत यास घेऊन काम करीत असताना मुलाचा तोल जाऊन खाली पडल्याने जखमी झाला होता. त्याला सांगलीच्या शासकीय रुग्णालयात उपचाराकरता दाखल करण्यात आले होते. उपचार सुरू असतानाच त्याचा मृत्यू झाला सदर घटनेची वर्दी देण्यात आली असून अधिक तपास पोलीस करत आहेत.