कासेगाव वार्ताहर
वाळवा तालुक्यातील वाटेगावमधील करमाळे – वाटेगाव रस्त्यावरील खिंडीजवळ वाटेगावच्या दिशेने येणारा ट्रॅक्टर नं एम एच १३ ए जे ९९३७ चा अपघात होवून ट्रॅक्टर चालक खुदबुद्दीन दस्तगीर शेख वय ४० रा.खळवे ता.माळशिरस जि. सोलापुर सध्या रा. सिध्देश्वर माळ वाटेगाव हे ठार झाले आहेत.
याबाबत मिळालेली माहिती अशी की, ट्रॅक्टर चालक शेख हे एम एच १३ ए जे ९९३७ या ट्रॅक्टरमधील ऊस विश्वास सहकारी साखर कारखान्याला खाली करून आज दुपारी एक वाजनेच्या दरम्यान वाटेगाव कडे येत होते. वाटेगाव कारखाना नजिक असणाऱ्या तिकाटना खिंडीतील उतारावर चालकाचे ट्रक्टवरील नियंत्रण न राहिलेने ट्रॅक्टरची पलटी होऊन चालक ट्रॅक्टर खाली सापडून गंभीर जखमी झाले. उपचारासाठी त्यांना कराड येथील दवाखान्यात दाखल केले असता डॉक्टरांनी त्यांना मृत घोषित केले. सदर घटनेची नोंद कासेगाव पोलीस ठाण्यात झाली असून सपोनि अविनाश मते यांच्या मार्गदर्शनाखाली पो. ह. जयकुमार उथळे अधिक तपास करीत आहेत.
