कुंभोज /वार्ताहर
वडगाव कृषी उत्पन्न बाजार समितीच्या लागलेल्या पंचवार्षिक निवडणुकीसाठी अर्ज भरण्याच्या अखेरच्या दिवशी एकूण 172 अर्ज दाखल झाले आहेत. त्यापैकी संस्था गटासाठी 11 जागेसाठी 82, ग्रामपंचायत 4 जागांसाठी साठी 70, व्यापारी 2 जागेसाठी 15, व हमाल तोलाई 1 जागेसाठी 5 अर्ज दाखल झाले आहेत.
आजच्या अर्ज भरण्याच्या अखेरच्या दिवशी सर्वपक्षीय गटातटाच्या सर्व मातब्बर नेत्यांनी हातकलंगले येथे उपस्थिती लावली होती. उद्या अर्ज छाननीच्या मुदत आहे. तसेच माघार घेण्याची मुदत 13 डिसेंबर आहे. गेल्या पंचवीस वर्षात वडगाव कृषी उत्पन्न बाजार समितीसाठी एवढी रस्सीखेच लागण्याची ही पहिलीच वेळ असल्याने ग्रामीण भागातील गटातटाच्या राजकारणाला जोर आला आहे.
