बेळगाव : शहरातून जाणाऱया मुख्य डेनेज लाईनचा चेंबर सर्व्हिस रस्त्यावर खुला आहे. सदर चेंबर खराब झाला असून धोकादायक परिस्थितीत आहे. तेव्हा कोणतीही दुर्घटना घडण्यापूर्वी त्याची दुरुस्ती करावी, अशी मागणी होत आहे. राष्ट्रीय महामार्गाच्या पूर्वेकडे गेलेल्या डेनेज लाईनचा हा चेंबर आहे. मात्र, तो बऱयाच महिन्यांपासून खराब झाला आहे. तेव्हा तातडीने याकडे लक्ष द्यावे, अशी मागणी होत आहे. पुणे-बेंगळूर राष्ट्रीय महामार्गाला असलेल्या सर्व्हिस रस्त्यावर हा चेंबर आहे. हरिकाका कंपाऊंडपासून जवळच हा चेंबर असून या ठिकाणी वर्दळ असते. या चेंबरवर सध्या काही काठय़ा टाकण्यात आल्या आहेत. हा चेंबर तब्बल 20 फूट खोल आहे. यामध्ये चुकून कोणीतरी पडले तर त्याचा मृत्यू ठरलेला आहे. यात पडलेलेदेखील कोणालाच माहिती होणार नाही, अशी गंभीर परिस्थिती आहे. तेव्हा तातडीने याची दुरुस्ती करावी, अशी मागणी होत आहे. या रस्त्यावरून शेतकरी ये-जा करत असतात. बऱयाच वेळा जनावरे तसेच बैलजोडय़ांची शेतकरी ने-आण करतात. त्यामुळे हा चेंबर धोकादायक असून तातडीने त्याची दुरुस्ती करावी आणि धोका टाळावा, असे आवाहन करण्यात आले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
