ऑनलाईन टीम / अंबाला :
भारतीय हवाई दलातील राफेल या लढाऊ विमानाचाआज जाहिररित्या भारतीय वायसुनेते समावेश होणार आहे. अंबाला हवाई तळवार राफेलच्या पहिल्या तुकडीचा औपचारिकरित्या समावेश होणार आहे. पारंपरिक पद्धतीने ‘सर्व धर्म पूजा’ करून यांचा समावेश केला जाणार आहे.
या कार्यक्रमासाठी संरक्षणमंत्री राजनाथ सिंह, त्यांचे फ्रान्समधील समपदस्थ फ्लोरेन्स पार्ली, संरक्षण दले प्रमुख जनरल बिपिन रावत, हवाई दल प्रमुख एअर चीफ मार्शल आरकेएस भदौरिया व संरक्षण सचिव अजय कुमार यांच्यासह अनेक मान्यवर व्यक्ती उपस्थित राहणार आहे.
या कार्यक्रमाला अंबाला एअरफोर्स स्टेशनसोबतच कँट परिसरात सुरक्षा वाढवण्यात आली आहे. फ्रान्सच्या ‘दसॉल्त अॅव्हिएशन’ कंपनीने तयार केलेली राफेल लढाऊ विमाने त्यांचे आकाशातील प्रभुत्व आणि अचूक हल्ले यांसाठी प्रसिद्ध आहेत.
राफेल विमानांचा हवाई दलाच्या 17 व्या स्क्वाड्रनमध्ये समारंभपूर्वक समावेश होण्यापूर्वी राफेलच्या ताफ्याला पाण्याच्या तोफांची (वॉटर कॅनन) पारंपरिक सलामी दिली जाईल, असे वायुदलाचे प्रवक्ते विंग कमांडर इंद्रनील नंदी यांनी सांगितले.
