राज्यस्तरीय खोखो स्पर्धेत बेळगाव संघाला तिसरे स्थान

बेळगाव : धारवाड येथे झालेल्या राज्यस्तरीय खुल्या खोखो स्पर्धेत मुलांच्या विभागात बेळगाव जिल्हा संघाला तिसरे स्थान मिळाले. या स्पर्धेत राज्यातील 8 महत्वाच्या जिल्हय़ांनी सहभाग घेतला होता. बेळगाव, धारवाड, रायचूर, बेंगळूर तर बागलकोग, हावेरी, उत्तर कन्नडा व यादगिरी या संघांचे दोन गट करण्यात आले होते. बेळगाव संघाने उपांत्य फेरीत बागलकोट संघाविरुद्ध पहिल्या सत्रात दोन गुणांची आघाडी मिळविली होती. दुसऱया डावात बागलकोटने आक्रमक खेळाचे प्रदर्शन करून बेळगाव जिल्हा संघाचा 16-18
अशा गुणफरकाने पराभव करीत अंतिम फेरीत प्रवेश केला. बेळगावच्या बजरंग सुतार याला उत्कृष्ट कॅचरचा बहुमान मिळाला. या संघामध्ये राजु गडकरी, बजरंग सुतार, रोहित चौगुले, सुशांत कुटे, निरज सुळेभावीकर, गोपाळ बांडगे, अभिषेक तंगणकर, सुयश पाटील, श्रीधर मलीक, स्वप्निल पाटील, साहिल कोलेकर, सदानंद पांडुचे यांचा समावेश होता. या सर्व खेळाडूंना एन. आर. पाटील, राजू जाधव, नितिन नाईक आदींचे मार्गदर्शन मिळाले असून बेळगाव जिल्हा खोखो असोसिएशनचे प्रोत्साहन लाभत आहेत.