प्रतिनिधी /लांजा
लांजा तालुक्यातील वेरवली खुर्द कातळवाडी नजीक रस्त्यालगत ठेवलेल्या बेर्डेवाडी धरण प्रकल्पाच्या कॅनॉलचे सर्व पाईप आगीत जळून खाक झाल्याची घटना घडली. येथील माळरानाला वणवा लागल्याने ह्या पाईप वणव्यामध्ये जळाल्या. या आगीमुळे परिसरात धुरांचा मोठा लोट पसरला होता. सर्व पाईप जळून खाक झाल्याने लघु पाठबंधारे विभागाचे मोठे नुकसान झाले आहे. ही घटना काल, शनिवारी दुपारी 3 वाजण्याच्या दरम्यान घडली.
