प्रतिनिधी / खेड
दीपावलीच्या पार्श्वभूमीवर पश्चिम रेल्वेने कोकण मार्गावर धावणाऱ्या जामनगर तिरूनवेल्ली व गांधीधाम तिरूनवेल्ली या दोन साप्ताहिक विशेष रेल्वेगाड्यांना एक अतिरिक्त डबा जोडण्याचा निर्णय घेतला आहे. त्यानुसार १३ नोव्हेंबरपासून या दोन्ही गाडया ज्यादा डब्यांच्या धावणार आहेत. या वाढीव डब्यांमुळे प्रवाशांना दिलासा मिळाला आहे.
जामनगर – तिरूनवेल्ली साप्ताहिक विशेष गाडी १३ ते २८ नोव्हेंबर या कालावधीत २३ डब्यांऐवजी २४ डब्यांची धावणार आहे. या गाडीला एक स्लीपर कोच जोडण्यात येणार आहे. परतीच्या प्रवासात ही साप्ताहिक गाडी १६ नोव्हेंबर ते १ डिसेंबर याकालावधीत धावणार आहे. गांधीधाम – तिरूनवेल्ली साप्ताहिक विशेष गाडी १६ ते ३० नोव्हेंबर याकालावधीत २२ डब्यांऐवजी २३ डब्यांची धावणार आहे. परतीच्या प्रवासात ही गाडी १९ नोव्हेंबर ते ३ डिसेंबर याकालावधीत धावणार आहे. या गाडीलाही १ स्लीपर कोच डबा वाढवण्यात आला आहे.
