चिपळूण/प्रतिनिधी
मुंबई-गोवा राष्ट्रीय महामार्गावरील ब्रिटीशकालीन पुलांच्या करण्यात आलेल्या सर्वेक्षणात चिपळुणातील वाशिष्ठी आणि संगमेश्वरमधील शास्त्री पूल सद्यस्थितीत अतिधोकादायक असल्याचा अहवाल पुढे आल्यानंतर आता पुणे येथील स्टक्ट सोर्स इंजिनिरीयरिंगच्या माध्यमातून या दोन्ही पुलांचे स्पेशल स्ट्रक्चरल ऑडिट केले जात आहे. यानुसार मंगळवारी सकाळपासून ‘हŸमर टेस्ट’ केली जात असून गणेश विसर्जनानंतर पूल बंद ठेऊन स्पेशल स्ट्रक्चरल ऑडिटला सुरूवात केली जाणार आहे.
महामार्गावर असलेल्या ब्रिटीशकालीन बहुसंख्य पुलांचे आयुष्य अभियांत्रिकीच्या दृष्टिकोनातून यापूर्वीच संपुष्टात आलेले आहे. सा†वत्री पूल दुर्घटनेत 42 जणांचा बळी गेल्यानंतर महामार्गावरील पुलांच्या सुरा†क्षततेच्यादृष्टीने यापूर्वीच तपासणी करण्यात आली. त्यानुसार ध्रुव कन्सल्टन्सीकडून फेब्रुवारी 2017पासून सतत तीन वर्षे ही तपासणी करण्यात आली. या अहवालात शास्त्री आणि वाशिष्ठी नदीवरील दोन पुलांचा अतिधोकादायक पुलांमध्ये समावेश करण्यात आला. त्यानुसार पुणे येथील स्टक्ट सोर्स इंजिनियरिंग या एजन्सीजच्या माध्यमातून दोन्ही पुलांचे स्पेशल स्ट्रक्चरल ऑडिट करण्याचा निर्णय घेण्यात आला आहे.
दरम्यान, सोमवारी नियुक्त एजन्सीजच्या माध्यमातून वाशिष्ठी पुलाची व्हीडीओग्राफी करण्यात आल्यानंतर मंगळवारी सद्यस्थितीतील पुलांचे बांधकाम किती मजबूत आहे हे पाहण्यासाठी प्रारंभीची ‘हॅमर टेस्ट’ला सुरूवात केली आहे. नदीपात्रात केन लावून त्याच्या माध्यमातून पुलांच्या अंतर्गत बांधकामाची तपासणी केली जात आहे. सद्यस्थितीत गणेशोत्सवामुळे महामार्गावर वाहनांची वर्दळ आहे. त्यामुळे विसर्जनानंतर पूल बंद ठेऊन पुलाच्या पत्येक भागाची स्वतंत्र तपासणी करून त्यानुसार दुरूस्ती सूचवली जाणार आहे. त्यानंतर पाण्यात असलेल्या पिलर मुळाशी पाणबुड्याद्वारे जाऊन तपासणी करण्यात येणार आहे. मंगळवारी पूल तपासणीवेळी महामार्ग उपविभागाचे शाखा अभियंता मराठे, तसेच महामार्ग कत्राटदार कंपनीचे अधिकारीही उपस्थित होते.
