प्रतिनिधी / मिरज
मिरज तालुक्यातील म्हैसाळ येथे कृष्णा नदीच्या बांधाऱ्यात पोहण्यासाठी गेलेला तरुण बेपत्ता झाला. मंगळवारी दुपारी ही घटना घडली. मुजमिल अल्ताफ मुजावर ( रा. रमा उद्यान परिसर ) असे नदीत बेपत्ता झालेल्या तरुणाचे नाव आहे. आयुष्य हेल्पलाईन टीम आणि ग्रामीण पोलीसांकडून शोधकार्य सुरू आहे.
मुजमिल हा बुधवारी दुपारी आपल्या नातेवाईकांसह म्हैसाळ बंधाऱ्यावर होता. त्याने पोहण्यासासाठी बंधाऱ्यात उडी मारली. मात्र, बराच उशीर झाला तरी तो बाहेर आला नाही. त्याच्या नातेवाईकांनी आरडाओरडा करून ग्रामस्थांना बोलाविले. ग्रामस्थांनी पोलीस पाटील आणि ग्रामीण पोलिसांना याची माहिती दिली. ग्रामीण पोलिसांनी आयुष्य हेल्पलाईन टीमच्या सहाय्याने शोधकार्य सुरू केले आहे. बुधवारी दुपारपर्यंत मुजमिल हा मिळुन आला नाही.
