बेंगळूर/प्रतिनिधी
मेकेदातू प्रकल्पावरून कर्नाटक आणि तामिळनाडूमध्ये वाद सुरु आहे. तामिळनाडू सरकारने या प्रकल्पास विरोध केला आहे. तसेच कर्नाटक सरकारवर मेकेदातू येथे धरण बांधू नये यासाठी दबाव आणण्यासाठी तामिळनाडू भाजप अध्यक्ष के. अन्नामलाई यांनी विरोध केला आहे. यासंदर्भात प्रश्नाला उत्तर देताना कर्नाटकचे मुख्यमंत्री बसवराज बोम्माई यांनी गुरुवारी सकाळी सांगितले की, सरकार मेकेदातू धरण प्रकल्पाबाबत तडजोड करणार नाही.
“पाण्याच्या संकटाच्या दरम्यान हा प्रकल्प दोन्ही राज्यांसाठी खूप उपयुक्त आहे, जो कोणी या प्रकल्पाला (तामिळनाडू) विरोध करत आहेत ते फक्त राजकारण करण्यासाठी आहे. आम्ही सविस्तर प्रकल्प अहवाल (डीपीआर) आधीच तयार केला आहे आणि तो जलशक्ती मंत्री गजेंद्रसिंह शेखावत यांना नुकताच सादर केला आहे आणि मला विश्वास आहे की डीपीआर केंद्राकडून मंजूर होईल आणि प्रकल्प लवकरच हाती घेतला जाईल.
