- अग्निशमन दलाच्या 16 गाड्या घटनास्थळी दाखल
ऑनलाईन टीम / मुंबई :
मुंबईतील वर्सोवा परिसरात असलेल्या सिलेंडरच्या गोदामाला आग लागल्याची घटना घडली आहे. आगी दरम्यान, सिलेंडरचा स्फोट होत असल्याने परिसरात भीतीचे वातावरण निर्माण झाले आहे.
प्राथमिक माहितीनुसार, यारी रोड येथील सिलेंडरच्या गोदामाला सकाळी पावणे दहा वाजता ही आग लागली. गोदामाला लागलेली ही लेव्हल 2 ची असून यामध्ये आतापर्यंत 4 जण जखमी झाले आहेत. सध्या आग विझवण्याचे काम सुरु आहे. अजूनतरी आगीचे नेमके कारण समजू शकलेले नाही.
दरम्यान, जखमींना उपचारासाठी जवळील कपूर रुग्णालयात दाखल करण्यात आले आहे. शॉर्ट सर्किटमुळे ही आग लागली असल्याची चर्चा आहे. अजूनही 16 अग्नीशमन दलाकडून आग विझवण्याचे काम सुरु आहे.
