प्रतिनिधी / मालवण:
शहरात आग लागल्यानंतर निर्माण होणाऱ्या आपत्कालीन परिस्थितीत आगीवर नियंत्रण आणण्यासाठी मालवण नगरपालिकेतर्फे फायर बाॅल खरेदी करण्यात आले आहेत. सदरचे फायर बाॅल आग लागलेल्या ठिकाणी फेकण्यात आल्यास सदरची आग विजवण्यासाठी मदत होणार आहे. मालवण पालिकेची अग्निशामक गाडी बंद असल्याने सदरचे फायर बाॅल उपयुक्त ठरणार असल्याचा विश्वास नगराध्यक्ष महेश कांदळगावकर यांनी पत्रकार परिषदेत बोलताना व्यक्त केला.
