कपडे धुण्यासाठी गेल्यानंतर पाय घसरून पडल्या, एकमेकींना वाचविण्याच्या प्रयत्नात दोघींचाही मृत्यू
प्रतिनिधी/मिरज
मिरज तालुक्यातील मालगाव येथे दोन सख्ख्या जावांचा विहिरीत पडून मृत्यू झाला. ही घटना आज सकाळी साडेअकराच्या दरम्यान घडली. सारिका महावीर पाटील (वय 33) आणि अर्चना सुरगोंड पाटील (वय 36) अशी मृत महिलांची नवे आहेत.
मालगाव-सावळी रोडवर असलेल्या विहिरीवर कपडे धुण्यासाठी गेल्यानंतर यापैकी एक जण पाय घसरून पडली. तिला वाचविण्याच्या प्रयत्नात असलेल्या दुसरीलाही आपला जीव गमवावा लागला. जीव रक्षक टीमच्या जवानांनी दोघींचा मृतदेह बाहेर काढला. एकाच कुटुंबात दोन महिलांचा असा दुर्दैवी मृत्यू झाल्याने मालगाव आणि परिसरात हळहळ व्यक्त होत आहे.
