ऑनलाईन टीम / मुंबई :
महाराष्ट्रातील कोरोनाबाधित पोलिसांच्या संख्येने 25 हजारांचा टप्पा ओलांडला आहे. मागील 24 तासात 97 पोलिसांना कोरोनाची लागण झाली. तर आतापर्यंत 25 हजार 079 पोलिसांना कोरोनाची बाधा झाली आहे. तर आतापर्यंत 260 पोलिसांनी आपला जीव गमावला आहे. त्यामुळे पोलिसांमध्ये सध्या भीतीचे वातावरण निर्माण झाले आहे.
मिळालेल्या माहितीनुसार, आतापर्यंत आढळलेल्या 25,079 कोरोनाबाधित पोलिसांमध्ये 2744 पोलीस अधिकारी आणि 22, 335 कर्मचाऱ्यांचा समावेश आहे. तर आतापर्यंत 22 हजार 614 पोलीस कर्मचाऱ्यांनी कोरोनावर यशस्वीरित्या मात केली असून त्यांना घरी सोडण्यात आले आहे. यामध्ये 2455 पोलीस अधिकारी आणि 20,159 पोलीस कर्मचाऱ्यांचा समावेश आहे.
सद्यस्थितीत राज्यात 2205 कोरोनाबाधित पोलीस कर्मचाऱ्यांवर विविध रुग्णालयात उपचार सुरु आहेत. यामध्ये 264 पोलीस अधिकारी आणि 1941 पोलीस कर्मचाऱ्यांचा समावेश आहे. तर आतापर्यंत कोरोनामुळे 260 जणांचा मृत्यू झाला आहे. यामध्ये 25 पोलीस ऑफिसर आणि 235 पोलीस कर्मचाऱ्यांचा समावेश आहे.
