ऑनलाईन टीम / मुंबई :
महाराष्ट्रात गेल्या 24 तासात 151 पोलिसांना कोरोनाची लागण झाली तर 5 जणांनी आपला जीव गमावला आहे. तर आतापर्यंत 14 हजार 792 पोलिसांना कोरोनाची बाधा झाली आहे. तर आतापर्यंत 153 पोलिसांनी आपला जीव गमावला आहे. त्यामुळे पोलिसांमध्ये सध्या भीतीचे वातावरण निर्माण झाले आहे.
मिळालेल्या माहितीनुसार, आतापर्यंत आढळलेल्या 14,792 कोरोनाबाधित पोलिसांमध्ये 1574 पोलीस अधिकारी आणि 13,218 कर्मचाऱ्यांचा समावेश आहे. तर आतापर्यंत 11 हजार 867 पोलीस कर्मचाऱ्यांनी कोरोनावर यशस्वीरित्या मात केली असून त्यांना घरी सोडण्यात आले आहे. यामध्ये 1201 पोलीस अधिकारी आणि 10,666 पोलीस कर्मचाऱ्यांचा समावेश आहे.
सद्यस्थितीत राज्यात 2772 कोरोनाबाधित पोलीस कर्मचाऱ्यांवर विविध रुग्णालयात उपचार सुरु आहेत. यामध्ये 358 पोलीस अधिकारी आणि 2414 पोलीस कर्मचाऱ्यांचा समावेश आहे. तर आतापर्यंत कोरोनामुळे 153 जणांचा मृत्यू झाला आहे. यामध्ये 15 पोलीस ऑफिसर आणि 138 पोलीस कर्मचाऱ्यांचा समावेश आहे.
