ऑनलाईन टीम / मुंबई :
महाराष्ट्रातून मागील 24 तासात 13,885 रुग्ण कोरोनामुक्त झाले आहेत. तर राज्यात आतापर्यंत 13 लाख 44 हजार 368 रुग्ण कोरोनामुक्त झाले असून, त्यांना डिस्चार्ज देण्यात आला आहे. राज्यातील कोरोना रुग्ण बरे होण्याचे प्रमाण सध्या 85.3 % आहे.
दरम्यान, मागील 24 तासात राज्यात 11,447 नवे कोरोनाबाधित रुग्ण आढळले. त्यामुळे राज्यातील एकूण कोरोनाबाधितांची संख्या 15 लाख 76 हजार 062 वर पोहचली आहे. सध्या 1 लाख 89 हजार 715 रुग्ण उपचार घेत आहेत. शुक्रवारी दिवसभरात 306 कोरोनाबाधितांचा मृत्यू झाला. तर मृतांचा एकूण आकडा 41 हजार 502 एवढा आहे. सध्या राज्यातील मृत्यू दर 2.63 % आहे.
प्रयोगशाळेत आतापर्यंत तपासणीसाठी पाठविण्यात आलेल्या 79 लाख 89 हजार 639 नमुन्यांपैकी 19.73 % रुग्णांचे रिपोर्ट पॉझिटिव्ह आले आहेत. सध्या राज्यात 23 लाख 33 हजार 522 लोक होम क्वारंटाईनमध्ये असून, 23 हजार 409 लोक संस्थात्मक क्वारंटाईनमध्ये आहेत.
