वार्ताहर / दोडामार्ग:
मणेरी येथील श्री देवी सातेरी नवरात्रोत्सव या मंडळाच्या वतीने विविध सांस्कृतीक व धार्मिक कार्यक्रमांचे आयोजन करण्यात आले आहे. यानिमित्त गुरुवार दिनांक 14 ऑक्टोबर रोजी सकाळी देवीची पूजा, दुपारी सामूहिक महाप्रसाद, रात्रौ 8 वा. आरती व रात्रौ 8.15 वा. ‘स्वरताल’ संगीत विद्यालयाचा गायन वादन कार्यक्रम होणार आहे. त्यात विशेष कार्यक्रम म्हणून एक छोटी बालिका व पाहुणी कलाकार मुंडये तबला वादन करणार आहे. तसेच या कार्यक्रमात साईश देसाई, श्रेया केसरकर, ऐश्वर्या केसरकर, नेहा केळकर, संजना गावस, चिन्मय केळकर हे गायन करणार असून त्यांना तबला साथ तुळशीदास नाईक तर हार्मोनियम साथ हंसराज परमेकर देणार आहेत. तरी या कार्यक्रमाचा सर्वांनी लाभ घ्यावा असे आवाहन मंडळातर्फे करण्यात आले आहे.
