बेनझीरकन्येचा विवाह, कोरोना चाचणी अनिवार्य

पाकिस्तानच्या माजी पंतप्रधान बेनझीर भुट्टो आणि माजी राष्ट्रपती आसिफ अली झरदारी यांची कन्या बख्तावर हिचा 27 नोव्हेंबर रोजी साखरपुडा होणार आहे. निमंत्रणपत्रिकेनुसार माजी राष्ट्रपतींच्या कन्येचा अमेरिकेतील उद्योजक युनूस चौधरी यांचे पुत्र महमूद यांच्याशी विवाह होणार आहे. निमंत्रणपत्रिकेनुसार या सोहळय़ात सामील होण्यासाठी एक दिवस अगोदर कोरोना चाचणी करवून घेत त्याचा अहवाल बिलावल हाउसला पाठवावा लागणार आहे. कोरोनाच्या दिशानिर्देशांचे सोहळय़ाच्या ठिकाणी पालन केले जाणार आहे. यांतर्गत अहवाल निगेटिव्ह आला तरच सोहळय़ात सामील होता येईल.