क्रीडा प्रतिनिधी /बेळगाव
कर्नाटक राज्य शरीरसौष्टव संघटना, बेंगळूर जिल्हा शरीरसौष्टव संघटना व पब्लर्स फिटनेस बेंगळूर यांच्या संयुक्त विद्यमाने बाबूज क्लासिक राज्यस्तरीय शरीरसौष्टव स्पर्धेचे आयोजन शनिवार दि. 12 फेब्रुवारी रोजी आंबेडकर मैदान जुने ओकलिंगपूरम बेंगळूर येथे करण्यात आले आहे.
सदर स्पर्धा आयबीबीएफच्या नियमानुसार वरिष्ट गटासाठी 55, 60, 65, 70, 75, 80, 85, व 85 किलोवरील वजनी गटात घेण्यात येणार आहे. प्रत्येक गटातील पहिल्या पाच विजेत्यांना अनुक्रमे 4 हजार, 3 हजार, 2 हजार 500, चौथ्या व पाचव्या क्रमांकासाठी प्रत्येकी 2 हजार रूपये, प्रमाणपत्र, पदके देवून गौरविण्यात येणार आहे. बाबूज क्लासिक किताब विजेत्याला 60 हजार रूपये रोख, आकर्षक चषक, मानाचा किताब व भेटवस्तू देवून गौरविण्यात येणार आहे. पहिल्या उपविजेत्या खेळाडूला 30 हजार रूपये रोख, आकर्षक चषक व प्रमाणपत्र तर दुसऱया उपविजेत्या खेळाडूला 20 हजार रूपये रोख, चषक व प्रमाणपत्र देवून तर उत्कृष्ट पोझर विजेत्या स्पर्धकाला 5 हजार रूपये रोख, चषक स्मृतिचिन्ह देवून गौरविण्यात येणार आहे.
पुरूष फिजिक, मास्टर्स, दिव्यांग स्पर्धेतील पहिल्या पाच विजेत्यांना अनुक्रमे 8 हजार, 6 हजार, 4 हजार, चौथ्या व पाचव्या क्रमांकासाठी प्रत्येकी 2 हजार रूपये व प्रमाणपत्र, पदके देवून गौरविण्यात येणार आहे. अधिक माहितीसाठी ऍण्ड्रू, संतोष, हरिष के., गंगाधर एम. यांच्याशी संपर्क साधावा. स्पर्धा शनिवार दि. 12 फेब्रुवारी रोजी सायंकाळी 4 वा. प्रारंभ होणार असून, दुपारी 2 वा. वजन घेण्यात येणार आहे.
