बेंगळूर/प्रतिनिधी
बेंगळूरमधील सर्व्हिस सिलेक्शन बोर्डाच्या मुलाखतीसाठी उपस्थित असलेल्या उमेदवारांनी ऑनलाईन द्वारे केलेल्या विनंत्यांना उत्तर देताना राज्य सरकारने त्यांना १४ दिवसाच्या होम क्वारंटाईनमधून सूट देण्यात येत असल्याचे गुरुवारी जाहीर केले.
बंगळूरच्या सिलेक्शन सेंटर साऊथ येथे मुलाखतीस येणाऱ्या एसएसबी उमेदवारांना १४ दिवसांच्या होम-क्वारंटाईन नियमात सूट देण्यात आली आहे. त्यामध्ये काही अटी घालण्यात आल्या आहेत, अशी माहिती टास्क टीमचे नोडल ऑफिसर कॅप्टन मनिव्हन्नन यांनी ट्वीटच्या माध्यमातून दिली.
