प्रेरणा महिला मंडळाच्या बैठकीत बागकामाबद्दल मार्गदर्शन

बेळगाव : प्रेरणा महिला मंडळाची झुमवर नुकतीच बैठक झाली. या बैठकीत दीपा देशपांडे यांनी बागकामाबद्दल मार्गदर्शन केले. तत्पूर्वी महिला सदस्यांच्या घराच्या बागेचे, झाडांचे, फळा-फुलांचे फोटो घेऊन त्याचे पीपीटीने सादरीकरण करून त्यांनी प्रत्येक झाड, फळ आणि फूल यांचे गुणधर्म सांगितले. बागेमध्ये कोणते ‘मायक्रो ग्रीन्स’ कसे वाढवावेत याबद्दलही त्यांनी माहिती दिली. मेधा साठे यांनी किचन गार्डनबद्दल, सुचेता लडगे यांनी सेंद्रीय शेतीबद्दल माहिती दिली. क्षमा अष्टेकर यांनी सेंद्रीय शेतीसाठी वापरले जाणारे ‘जीवामृत’ घरी कसे तयार करावेत, याची कृती सांगितली.