प्रतिनिधी /पणजी
गोवा विद्यापीठाचे नवीन कुलगुरू म्हणून प्रा. हरीलाल मेनन यांची नेमणूक करण्यात आली आहे. ते विद्यापीठातील सागरी विज्ञान विभागाचे डिन असून त्या पदासाठी आलेल्या 280 अर्जदारातून त्यांनी शेवटी निवडण्यात आले.
महाराष्ट्र, केरळ, कर्नाटक, दिल्ली व काश्मीर गोव्यासह विविध राज्यातून सुमारे 280 अर्ज या पदासाठी आले होते. त्यांची छाननी करून अंतिम 25 जणांची मुलाखत घेण्यात आली होती. त्यानंतर अंतिम 5 जणांची यादी करण्यात आली होती. त्या यादीतून शेवटी प्रा. मेनन यांच्या नावावर शिक्कामोर्तब करण्यात आले.
