प्रतिनिधी/कोल्हापूर
प्रसिध्द छायाचित्रकार व जिल्हा बँकेतील निवृत्त लघुलेखक शामकांत बापूसाहेब जाधव (वय 90 रा. शाहुपुरी तिसरी गल्ली) यांचे वृध्दापकाळाने निधन झाले. त्यांच्या पश्चात पत्नी, दोन मुले, सुना, नातवंडे व तीन बहिणी असा परिवार आहे. डी.वाय.पाटील इंजिनिअरिंग कॉलेजचे आर्किटेक्ट इंद्रजित जाधव व स्ट्रक्चरल अभियंता रणजित जाधव यांचे ते वडिल तर मेजर सुलोचना खानविलकर यांचे ते बंधू होत. छायाचित्रणातील फारसे शिक्षण झालेले नसतानाही जाधव यांनी या व्यवसायात आपली छाप उमटवली होती. शाहुपुरीत त्यांचा सागर फोटोग्राफिक्स म्हणून फोटो स्टुडिओ होता. इंडस्ट्रीयल फोटोग्राफीमध्ये त्यांचा विशेष हातखंडा होता. स्वराज्य व इलेस्ट्रेड विकली मध्येही त्यांची त्याकाळी छायाचित्रे प्रसिध्द झाली होती.
