प्रतिनिधी/सांगली
पुणे येथे बालगंधर्व नाट्यमंदिरमध्ये प्रबोधनकार ठाकरे यांच्या प्रबोधन या मासिकाच्या शताब्दी सोहळ्याचे उदघाटन झाले. या कार्यक्रमावेळी ज्येष्ठ सामाजिक कार्यकर्ते व सत्यशोधक डॉ. बाबा आढाव यांच्या हस्ते शिवसेना सांगली जिल्हा संघटक बजरंग पाटील यांचा सत्कार करण्यात आला.
मिरज तालुक्यातील काकडवाडी या छोट्याशा गावामध्ये प्रबोधनकार ठाकरे यांची दुर्मिळ ग्रंथसंपदा जतन करून ठेवण्यात आली आहे. काकडवाडी येथे काही वर्षापूर्वी उद्धव ठाकरे व राज ठाकरे यांनी भेट दिली होती. या ग्रंथसंपदेचे डिजिटलायझेशन करण्याची मागणी होत आहे. उद्धव ठाकरे मुख्यमंत्री झाल्यामुळे या कामाला वेग येईल अशी आशा व्यक्त होत आहे.
या सोहळ्यास विधानपरिषद उपसभापती व शिवसेना उपनेत्या निलमताई गोऱ्हे, शिवसेनेच्या नेत्या उर्मिला मातोंडकर, शिवसेना उपनेते रघुनाथ कुचिक आणि काकडवाडीचे महावीर मुळे , दिनकर पाटील, विनायक पाटील, गणेश पाटील आदी मान्यवर उपस्थित होते.
