ऑनलाईन टीम / पुणे :
सध्याच्या लॉकडाऊन काळात पुणे विभागात अन्नधान्य व भाजीपाल्याचा पुरेसा साठा उपलब्ध आहे. विभागात अंदाजे 29 हजार 434 क्विंटल अन्नधान्याची तर 8 हजार 388 क्विंटल भाजीपाल्याची आवक मार्केटमध्ये झाली आहे. विभागात 2 हजार 633 क्विंटल फळांची आवक तसेच कांदा-बटाटयाची आवक 17 हजार 508 क्विंटल इतकी झाली आहे, अशी माहिती विभागीय आयुक्त डॉ. दीपक म्हैसेकर यांनी दिली.
पुणे विभागात 28 एप्रिल 2020 रोजी 98.502 लाख लिटर दुधाचे संकलन झाले असून 23.730 लाख लिटर दुधाचे पॅकेजिंग स्वरुपात वितरण झाले आहे. तर उर्वरित दूध सुट्टया स्वरुपात वितरित करण्यात आले आहे.
पुणे विभागात स्थलांतरीत मजुरांसाठी उभारण्यात आलेल्या एकूण 487 रिलीफ कॅम्पमध्ये 43 हजार 866 स्थलांतरित मजूर असून, 1 लाख 15 हजार 666 मजुरांना भोजन देण्यात येत असल्याचेेेही त्यांनी सांगितले.
