सावंतवाडी / उमेश सावंत:
सावंतवाडी शहरातील खासकिलवाडा येथे एका भाड्याच्या घरात राहात असलेला परप्रांतीय कामगार विश्वनाथ मणी नायर ६५ याने गळफास घेत आत्महत्या केली. त्याचा मृतदेह खोलीच्या छपराला लुंगीने गळफास घेतलेल्या अवस्थेत आढळून आला. तो डिसिल्वा यांच्या घरात राहत होता. खोलीच्या दरवाजातून रक्त वाहून आल्याने शेजाऱ्याने घरमालकाला कळविले. मृत नायर यांच्या मुलाला याबाबत कळविण्यात आले. नंतर मुलगा सुरेश नायर याने पोलिसांना माहिती दिली. घटनास्थळी पोलिसांनी भेट दिली.
