प्रतिनिधी / पन्हाळा :
पन्हाळा तालुक्यातील जाखले येथे बंद बंगल्याचे कुलूप तोडून सोन्याच्या दागिन्यांसह पावने चार लाख रूपयांची धाडसी चोरी झाल्याने एकच खळबळ उडाली आहे. आज, रविवारी (दि.2) पहाटेच्या सुमारास ही घटना घडली.
याबाबत माहिती अशी की, खुदबुद्दीन रमजान शिकलगार हे शनिवारी रात्री सुनेच्या पोटात दुखू लागल्याने तिला हॉस्पिटलमध्ये घेवून कुंटूबासह गेले होते. याचा फायदा घेत चोरटयांनी काही वेळातच शिकलगार यांच्या बंद बंगल्याचे कुलूप तोडून बेडरूमच्या कपाटातील सुमारे १७ तोळे सोन्याचे दागीने व रोख रक्कम असा सुमारे ३ लाख ७४ हजार रूपयांचा मुद्देमाल लंपास केला. याप्रकरणी अज्ञात चोरट्या विरोधात कोडोली पोलिसात गुन्हा दाखल झाला आहे.
कोडोली पोलीस ठाण्याचे सहाय्यक पोलीस निरीक्षक सुरज बनसोडे, फौजदार नरेद्र पाटील, अंगुली मुंद्राचे सहा पोलीस निरीक्षक पुणेकर यांनी श्वान पथकास या चोरीचा तपास सुरू केला आहे.
