ऑनलाईन टीम / श्रीनगर :
जम्मू काश्मीरच्या अवंतीपोरामधील पंपोर भागात झालेल्या चकमकीत आज पहाटे दोन दहशतवाद्यांना कंठस्नान घालण्यात सुरक्षा दलाला यश आले. काल रात्रीपासून पुन्हा या भागात चकमक सुरू झाली होती. तेथील एका मशिदीत हे दहशतवादी लपून बसले होते. दरम्यान, काल शोपियांच्या मुनांदमध्येही एका दहशवाद्यांचा खात्मा करण्यात आला होता. मुनांदमध्ये अजूनही सर्च ऑपरेशन सुरू आहे.
अवंतीपोरामधील पंपोर भागात काही दहशतवादी लपून बसल्याची माहिती सुरक्षा दलाला मिळाली होती. त्यानुसार लष्कराच्या ५० आरआर, एसओजी आणि सीआरपीएफच्या संयुक्त पथकाने शोधमोहीम हाती घेत परिसराला घेराव घातला. रात्रीपासून चाललेल्या या चकमकीत दोन दहशतवाद्यांना कंठस्नान घालण्यात आज सकाळी सुरक्षा दलाला यश आले.
