ऑनलाईन टीम / चंदीगड :
पंजाबमध्ये मागील 24 तासात 507 नव्या कोरोना रुग्णांची नोंद झाली. तर 26 जणांचा मृत्यू झाला. त्यामुळे पंजाबमधील कोरोना बाधितांची एकूण संख्या 1 लाख 26 हजार 737 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, काल 979 रुग्णांना डिस्चार्ज देण्यात आला. तर आतापर्यंत एकूण 1,26,737 रुग्णांपैकी 1 लाख 16 हजार 165 रुग्ण कोरोनामुक्त झाले आहेत. तर आतापर्यंत 3 हजार 980 जणांचा कोरोनामुळे मृत्यू झाला आहे.
ताज्या आकडेवारी नुसार, पंजाबमध्ये आतापर्यंत जवळपास 22 लाख 74 हजार 772 टेस्ट करण्यात आल्या आहेत. सद्य स्थितीत 6 हजार 592 रुग्णांवर विविध रुग्णालयात उपचार सुरू आहेत. त्यातील 147 रुग्णांना अक्सिजन सपोर्टवर ठेवण्यात आले आहे. तर 21 जण व्हेंटिलेटरवर आहेत.
